ఏసీబీ కి పట్టుబడ్డ వనస్థలిపురం సబ్ రిజిస్ట్రార్

 

రంగారెడ్డి జిల్లాలోని వనస్థలిపురం సబ్ రిజిస్ట్రార్ ఎస్. రాజేష్ కుమార్ లంచం కేసులో తెలంగాణ అవినీతి నిరోధక శాఖ (ACB) అధికారులకు పట్టుబడ్డారు.

వివరాల్లోకి వెళ్తే, ఫిర్యాదుదారుని ఆస్తి నమోదు ప్రక్రియను పూర్తి చేయడానికి అధికారిక సహాయం అందించాలన్న పేరుతో రూ.1,00,000 లంచం డిమాండ్ చేసినట్లు తెలిసింది. 

అందులో రూ.70,000 మొత్తాన్ని నాగోల్‌కు చెందిన ప్రైవేట్ దస్తావేజు లేఖకుని కార్యాలయంలో పనిచేస్తున్న టైపిస్టు కె. రమేష్ ద్వారా స్వీకరిస్తూ ఉండగా, అధికారులు సిబ్బందిని రంగంలోకి దించి పట్టుకున్నారు.

ప్రభుత్వ ఉద్యోగులు లంచం అడిగి తే ఎవరు ఉపేక్షించ వద్దని, అటువంటి సందర్భాల్లో వెంటనే ఫిర్యాదు చేయాలని అవినీతి నిరోధక శాఖ అధికారులు విజ్ఞప్తి చేసారు.

లంచం డిమాండ్ చేసిన సందర్భాల్లో ప్రజలు నేరుగా టోల్ ఫ్రీ నెంబర్ 1064 కు కాల్ చేయవచ్చు. అదేవిధంగా వాట్సాప్ (9440446106), ఫేస్‌బుక్ (Telangana ACB), ఎక్స్ (@TelanganaACB) మరియు అధికారిక వెబ్‌సైట్ (acb.telangana.gov.in) ద్వారా కూడా సమాచారం అందించవచ్చని శాఖ స్పష్టం చేసింది.

ఫిర్యాదు చేసిన వారి వివరాలు గోప్యంగా ఉంచు తామని తెలంగాణ ఏసీబీ అధికారులు భరోసా ఇచ్చారు.